ᐅᓇ ᖃᐅᔨᓴᐃᓂᖅ ᐃᑲᔪᐃᔾᔪᑎᐅᓇᓱᑦᑐᖅ ᓴᖅᑭᑉᐸᓪᓕᐊᔪᓄᑦ ᐸᕝᕕᓴᓐᓂᐅᖏᑦᑐᒃᑯᑦ ᖃᐅᔨᓴᐅᑎᓄᑦ ᓇᓄᐃᑦ ᐊᒥᓲᓂᖏᓐᓄᑦ ᑲᑎᖅᓱᖅᑕᐅᓗᑎᒃ ᐊᐅᖏᒍᑦ ᓇᓗᓇᐃᒃᑯᑕᖏᓐᓂᒃ ᖃᐅᔨᓴᐃᓂᒻᒥᒃ ᖁᑭᐅᑦᑕᐅᔭᒧᑦ ᐊᒻᒪᑦᑕᐅᖅ ᐃᓄᐃᑦ ᖃᐅᔨᒪᔭᖏᓐᓂᒃ ᓄᑖᓂᒃ ᓴᖅᑭᑎᑦᑎᓇᓱᓐᓂᒻᒥᒃ ᐊᑐᕋᔅᓴᐅᔪᓂᒃ ᓇᓄᐃᑦ ᐊᕐᕌᒍᖏᓄᑦ ᓇᓗᓇᐃᒃᑯᑎᔅᓴᐅᔪᓂᒃ. ᑕᒪᓐᓇ ᐱᓕᕆᓂᕗᑦ ᑐᓐᖓᕕᖃᖅᑐᖅ ᓯᕗᓂᐅᒍᑦ ᖃᐅᔨᓴᖅᑎᓄᑦ ᓱᓕᔪᓐᓇᓐᓂᖏᑕ ᐃᓄᐃᑦ ᓇᓗᓇᐃᒃᑯᑕᖏᑦ ᓇᓅᑉ ᖃᓄᐃᑦᑑᓂᖓᓄᑦ ᐃᓕᖅᑯᓯᖃᓐᓂᐊᓄᓪᓗ ᐊᑐᖅᖢᒋᑦ ᑐᒥᖏᑦ, ᓴᖅᑮᓂᑰᒻᒪᑕ ᐊᖏᔪᒥᒃ ᐊᖏᖃᑎᒌᒍᑎᓂᒃ, ᑕᒻᒪᓐᖏᒐᔪᓐᓂᕆᔭᖏᑕ ᓇᓚᐅᑦᑖᒐᖏᑦ, ᑲᑎᖅᓱᐃᓂᖏᓪᓗ ᐊᑐᖅᑕᐅᔪᓐᓇᖅᑐᓂᒃ ᕿᒥᕐᕈᐃᓗᑎᒃ ᑕᑯᓚᐅᓐᖏᓪᓗᑎᒃ.
ᑕᑯᔅᓴᕈᕋᓱᑦᑕᕗᑦ ᖃᐅᔨᓴᕈᑎᑦᑎᒍᑦ ᐅᑯᐊ: ᐊ) ᓴᖅᑮᓗᑕ ᐊᐅᖏᒍᑦ ᖃᐅᔨᓴᐅᑎᒥᒃ ᓵᓐᖓᔪᓐᓇᖅᑐᖅ ᕿᒥᕐᕈᐃᓂᒻᒥᒃ ᐃᓱᒋᔭᖏᑕ ᓇᓗᓇᐃᒃᑯᑖᑕ ᓇᓅᑉ ᑎᒥᖓᓂᓐᖔᖅᑐᓂᒃ; ᐸ) ᓇᓗᓇᐃᓪᓗᒋᑦ ᐊᑦᑐᐊᖃᑎᒌᓐᓂᖏᑦ ᐃᓱᒋᔭᖏᑕ ᑕᑭᓂᖏᑦ ᐊᕐᕌᒍᖏᑕᓗ; ᑕ) ᓇᓚᐅᑦᑖᓪᓗᒋᑦ ᐊᕐᕌᒍᓪᓗᐊᖏᑦ ᐊᕝᕗᖅᑕᐅᓂᑯᓄᑦ ᒥᖅᑯᖏᓐᓂᒃ ᕿᓂᖅᑕᐅᓗᑎᒃ ᐃᓱᒋᔭᖏᑕ ᐊᑦᑐᐊᓂᖃᓐᓂᖏᑦ ᐊᕐᕌᒍᖏᓄᑦ; ᐊᒻᒪᓗ ᑲ) ᑭᒡᓕᓯᓂᐊᓪᓗᒋᑦ ᐊᑐᖅᓯᒪᓂᖃᓐᓂᖏᑦ ᓇᓄᓐᓂᓪᓗ ᓇᓗᓇᐃᖅᓯᔾᔪᓯᖏᑦ ᐊᕐᕌᒍᓪᓗᐊᖏᓐᓄᑦ ᐊᖑᓇᓱᑦᑎᓪᓚᕇᑦ, ᐃᓐᓇᑐᖃᐃᑦ, ᐊᓯᖏᓪᓗ ᓄᓇᓕᓐᓂᒥᐅᑦ (ᓲᓪᓗᓕ, ᒪᒃᑯᑦᑐᐃᑦ). ᓂᕆᐅᑦᑐᒍᑦ ᐊᖑᓇᓱᑦᑎᓪᓚᕇᑦ ᑐᑭᓯᔾᔪᑎᓂᒃ ᓴᖅᑮᓂᐊᓐᓂᖏᓐᓂᒃ ᖃᐅᔨᒪᔭᐅᓐᖏᑦᑐᓄᑦ, ᓄᑖᖑᔪᓄᑦ ᖃᓪᓗᓈᓄᑦ ᐃᓄᓐᓄᑦ ᑐᓐᖓᔪᑦ ᐊᕐᕌᒍᓪᓗᐊᖏᑕ (ᐊᒻᒪ/ᐅᕝᕙᓗ ᖃᓂᒌᓲᑦ ᐊᕐᕌᒍᖃᑎᒌᑦ) ᓇᓄᓐᓄᑦ ᓇᓗᓇᐃᖅᓯᒃᑲᓐᓂᕈᑕᐅᓗᑎᓪᓗ ᖃᓄᐃᑦᑐᑦ ᓇᔪᖅᑕᖏᑕ ᐃᓕᖅᑯᓯᖏᑦ ᐊᑦᑐᐃᓲᖑᒻᒪᖔᖏᓐᓂᒃ ᐊᕐᕌᒍᖃᖅᑐᓄᑦ (ᓲᓪᓗ, ᐊᔅᓱᕉᓴᓐᓂᑯᑦ, ᑳᖃᑦᑕᓐᓂᑯᑦ, ᐊᓯᖏᓪᓗ). ᓇᓗᓇᐃᖅᑐᑦ ᐊᔾᔨᒌᖏᓐᓂᖏᒍᑦ ᐊᖑᓇᓱᓲᑦ ᖃᐅᔨᒪᓂᖏᑦ ᑐᔾᔮᕈᓐᓇᓐᓂᖏᑕᓗ ᐊᑐᖅᓯᒪᓂᖏᒍᑦ ᓄᓇᓕᐅᑉ ᐃᓄᖏᑕ ᑕᒪᓐᓇᓗ ᓴᖅᑮᔪᓐᓇᖅᖢᓂ ᓄᓇᓕᓐᓂ ᐊᑯᓂᐅᔪᒥᒃ ᐱᖃᑕᐅᔪᒪᓂᖏᓐᓂᒃ ᓴᖅᑮᓇᓱᐊᕈᑎᒃ ᐃᓚᐅᒍᑎᓪᓗ ᖃᐅᔨᓴᕈᑎᐅᔪᓂᒃ ᓇᓄᐃᑦ ᐊᒥᓲᓂᖏᑕ ᖃᓄᐃᑦᑑᓂᖏᓄᑦ ᐋᖅᑭᔅᓯᒪᓂᖏᓄᓪᓗ.
ᑕᑯᔅᓴᕈᕋᓱᑦᑕᕗᑦ ᖃᐅᔨᓴᕈᑎᑦᑎᒍᑦ ᐅᑯᐊ: ᐊ) ᓴᖅᑮᓗᑕ ᐊᐅᖏᒍᑦ ᖃᐅᔨᓴᐅᑎᒥᒃ ᓵᓐᖓᔪᓐᓇᖅᑐᖅ ᕿᒥᕐᕈᐃᓂᒻᒥᒃ ᐃᓱᒋᔭᖏᑕ ᓇᓗᓇᐃᒃᑯᑖᑕ ᓇᓅᑉ ᑎᒥᖓᓂᓐᖔᖅᑐᓂᒃ; ᐸ) ᓇᓗᓇᐃᓪᓗᒋᑦ ᐊᑦᑐᐊᖃᑎᒌᓐᓂᖏᑦ ᐃᓱᒋᔭᖏᑕ ᑕᑭᓂᖏᑦ ᐊᕐᕌᒍᖏᑕᓗ; ᑕ) ᓇᓚᐅᑦᑖᓪᓗᒋᑦ ᐊᕐᕌᒍᓪᓗᐊᖏᑦ ᐊᕝᕗᖅᑕᐅᓂᑯᓄᑦ ᒥᖅᑯᖏᓐᓂᒃ ᕿᓂᖅᑕᐅᓗᑎᒃ ᐃᓱᒋᔭᖏᑕ ᐊᑦᑐᐊᓂᖃᓐᓂᖏᑦ ᐊᕐᕌᒍᖏᓄᑦ; ᐊᒻᒪᓗ ᑲ) ᑭᒡᓕᓯᓂᐊᓪᓗᒋᑦ ᐊᑐᖅᓯᒪᓂᖃᓐᓂᖏᑦ ᓇᓄᓐᓂᓪᓗ ᓇᓗᓇᐃᖅᓯᔾᔪᓯᖏᑦ ᐊᕐᕌᒍᓪᓗᐊᖏᓐᓄᑦ ᐊᖑᓇᓱᑦᑎᓪᓚᕇᑦ, ᐃᓐᓇᑐᖃᐃᑦ, ᐊᓯᖏᓪᓗ ᓄᓇᓕᓐᓂᒥᐅᑦ (ᓲᓪᓗᓕ, ᒪᒃᑯᑦᑐᐃᑦ). ᓂᕆᐅᑦᑐᒍᑦ ᐊᖑᓇᓱᑦᑎᓪᓚᕇᑦ ᑐᑭᓯᔾᔪᑎᓂᒃ ᓴᖅᑮᓂᐊᓐᓂᖏᓐᓂᒃ ᖃᐅᔨᒪᔭᐅᓐᖏᑦᑐᓄᑦ, ᓄᑖᖑᔪᓄᑦ ᖃᓪᓗᓈᓄᑦ ᐃᓄᓐᓄᑦ ᑐᓐᖓᔪᑦ ᐊᕐᕌᒍᓪᓗᐊᖏᑕ (ᐊᒻᒪ/ᐅᕝᕙᓗ ᖃᓂᒌᓲᑦ ᐊᕐᕌᒍᖃᑎᒌᑦ) ᓇᓄᓐᓄᑦ ᓇᓗᓇᐃᖅᓯᒃᑲᓐᓂᕈᑕᐅᓗᑎᓪᓗ ᖃᓄᐃᑦᑐᑦ ᓇᔪᖅᑕᖏᑕ ᐃᓕᖅᑯᓯᖏᑦ ᐊᑦᑐᐃᓲᖑᒻᒪᖔᖏᓐᓂᒃ ᐊᕐᕌᒍᖃᖅᑐᓄᑦ (ᓲᓪᓗ, ᐊᔅᓱᕉᓴᓐᓂᑯᑦ, ᑳᖃᑦᑕᓐᓂᑯᑦ, ᐊᓯᖏᓪᓗ). ᓇᓗᓇᐃᖅᑐᑦ ᐊᔾᔨᒌᖏᓐᓂᖏᒍᑦ ᐊᖑᓇᓱᓲᑦ ᖃᐅᔨᒪᓂᖏᑦ ᑐᔾᔮᕈᓐᓇᓐᓂᖏᑕᓗ ᐊᑐᖅᓯᒪᓂᖏᒍᑦ ᓄᓇᓕᐅᑉ ᐃᓄᖏᑕ ᑕᒪᓐᓇᓗ ᓴᖅᑮᔪᓐᓇᖅᖢᓂ ᓄᓇᓕᓐᓂ ᐊᑯᓂᐅᔪᒥᒃ ᐱᖃᑕᐅᔪᒪᓂᖏᓐᓂᒃ ᓴᖅᑮᓇᓱᐊᕈᑎᒃ ᐃᓚᐅᒍᑎᓪᓗ ᖃᐅᔨᓴᕈᑎᐅᔪᓂᒃ ᓇᓄᐃᑦ ᐊᒥᓲᓂᖏᑕ ᖃᓄᐃᑦᑑᓂᖏᓄᑦ ᐋᖅᑭᔅᓯᒪᓂᖏᓄᓪᓗ.
